Центр Святого Максима Исповедника

Завещание прп. Нила

Во имя Отца и Сына и Святаго Духа. Завещаваю, яже о себе моим присным господам и братиям, яже суть моего нрава. Молю вас, повергните тело мое в пустыни, да изъядят е зверие и птицы: понеже согрешило есть Богу много и недостойно есть погребения. Аще ли сице не сотворите, то, ископавши ров на месте, идеже живем, со всяким безчестием погребите мя. Бойтеся же слова, еже Великий Арсений завеща ученикам своим, глаголя: на суде стану с вами, аще кому дадите тело мое. Тщание бо и мне было то, елико по силе моей, да не сподоблен буду чести и славы века сего никоторыя, якоже в житии сем, тако и по смерти моей. Молю же всех, да помолятся о души моей грешней, и прощения прошу от всех и от мене прощение да будет: Бог да простит всех нас.

gallery_file_8_b.jpg
gallery_file_17_b.jpg
gallery_file_26_b.jpg
gallery_file_31_b.jpg
gallery_file_22_b.jpg